الرئيسيةالبوابةالتسجيلمكتبة الصوراليوميةبحـثس .و .جالأعضاءالمجموعاتدخول

شاطر | 
 

 مريم والحضانة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
noha
Admin
avatar

عدد الرسائل : 419
علم بلدك :
تاريخ التسجيل : 17/11/2007

مُساهمةموضوع: مريم والحضانة   السبت يناير 05, 2008 11:30 am




مين اللي خلـق الوردة؟


قالت مريم: عمّو ... هو أنا ح ادخل النار وربنا هيحرقني؟
قلت لها: مين قالك كده؟
ردت عليّ مريم: الميس النهاردة في الحضانة قالتلي إنتي حتدخلي النار وربنا هيحرقك ويعذبك
سألتها: قالتلك كده ليه؟! انتي كذبتي أو عملتي حاجة غلط؟
قالت وهي تبكي: لا والله، هي سألتني مين اللي خلق الوردة؟ قلتلها الطينة، قالتلي لأ.. إنتي حمارة مش بتفهمي وربنا حيحرقك في النار لأن ربنا هو اللي خلق الوردة، قلتلها: لأ أنا عندي وردة وزرع في البيت طلعت من الطينة يبقى هي اللي خلقت الوردة.. قامت ضربتني وشتمتني وقالتلي ربنا حيدخلك النار وحتتشوي فيها، أنا خايفة قوي من ربنا ومن النار
على فكرة مريم وردة صغيرة عمرها 5 سنوات فقط.. ولسة في أولى حضانة وهي بتحب الورد والزرع.. أول حاجة بتعملها لما تصحى من النوم تسقي الزرع والورد اللي في بيتها
*******
ما حدث لها في الحضانة أكد لي أن الحضانة ليست روضة للأطفال كما يطلقون عليها، وإنما جحيم لهم يقتل إبداعهم ويدفع مواهبهم ويحولهم لكائنات غبية.. فالطفل الذي يمتلك معدل ذكاء عالي بمجرد أن يدخل الحضانة يبدأ السادة المدرسون والمدرسات من أصحاب العقول المتحجرة في قتل قدراتهم الإبداعية
الطفلة الصغيرة ببرائتها وحبها للورد والزرع كانت تتأمل ما حولها وتكتشفه فاكتشفت أن الوردة بتخرج من الطينة يبقى الطينة خلقت الوردة كان المفروض من المدرسة المبجلة أنها تفهم مريم بطريقة مبسطة أن الوردة عملتها الطينة والطينة عملها ربنا، كان لازم تقدر صغر سنها وأنها لسه بتكتشف الكون مش تعملها رعب من ربنا وتخليها تعيش في حالة خوف
*******
حضانة مريم نموذج لعشرات من الحضانات التي انتشرت في السنوات الأخيرة وهي عبارة عن شقة ضيقة بها ما يزيد على 50 طفلاً محشورين مع بعض في حجرتين.. الحضانات دي أنشئت من غير ضوابط.. مجرد بيزنس وخلاص
أبو مريم راح الحضانة يشتكي المدرّسة.. فاعترضت وقالت له: يا أستاذ أنا خريجة كلية رياض أطفال وفاهمة شغلي كويس
كلية رياض أطفال دي المفروض إنها بتخرّج كوادر من المعلمات عندهم مقدرة على التعامل مع الأطفال
دور الحضانة المفروض انها تساعد الأطفال على تنمية تفكيرهم وتوسيع خيالهم لكن الحضانة أصبحت مجرد بيزنس.. أي واحد عنده شقة وعايز يعمل مشروع يفتح حضانة والضحية بتكون الأطفال اللي بتحصلهم عقد زي مريم
*******
إيه اللي حصل لمريم بعد كده؟
مريم فضلت لمدة أسبوع تحلم بأنها في النار بتتحرق وتصحى من النوم بتصرخ
آه.. نسيت أقولكم.. مريم ماعديتش بتسقي الورد زي زمـان
*******

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alrahma.ahlamuntada.com/index.htm
ahmed saker
Admin
avatar

عدد الرسائل : 465
الموقع : alrahma.ahlamuntada.com
علم بلدك :
تاريخ التسجيل : 17/11/2007

مُساهمةموضوع: رد: مريم والحضانة   السبت يناير 05, 2008 3:10 pm

احسنت نهي ده بصراحه ال بيحصل لأولاد كتير من سوء فهم بعض المدرسين وعدم قدرتهم على استيعاب اطفالنا وافكارهم ربنا يساعدهم ويحمي اولادناشكرا ليكي نهي

_________________





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alrahma.ahlamuntada.com
 
مريم والحضانة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الرحمة :: 
القسم التعليمي
 :: التعليمي العام
-
انتقل الى: