الرئيسيةالبوابةالتسجيلمكتبة الصوراليوميةبحـثس .و .جالأعضاءالمجموعاتدخول

شاطر | 
 

 الفرق بين بباكى وزوجك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
smsma
مشرف
مشرف
avatar

عدد الرسائل : 77
العمر : 29
تاريخ التسجيل : 21/11/2007

مُساهمةموضوع: الفرق بين بباكى وزوجك   الأحد ديسمبر 23, 2007 2:31 am

مع ابوكى .. دخلتى المطبخ ما دخلتيش .. كله واحد وممكن باباكى يساعدك .. انما مع جوزك ..

مش بمزاجك .. ها تدخلى .. هاتدخلى ..

* مع ابوكى .. فى العيد بيديلك العيديه وفوقيها بوسه .. لكن مع جوزك .. بيقول انت خلاص كبرتى على الحاجات دى

* مع ابوكى .. بتنامى وتصحى وقت ما انتى عايزه .. مع جوزك .. وقت ماهو عايز .. او مع مواعيد شغله.

* مع ابوكى .. بتشترى هدومك ومكياجك وكل اللى انتى عايزاه .. ويقولك حلو قوى عليكى .. مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى

* مع ابوكى لو حصل وكنتى زعلانه .. بيزعل عشانك .. لكن مع جوزك .. بيزعل منك .. ويلومك ازاى تزعلى اصلا

* ابوكى .. كلمه حلوه ترضيه .. وجوزك .. طول الليل تحايلى فيه.

* ابوكى.. وانتى عيانه .. سهران جنبك طول اليوم .. انما جوزك بيروح ينام فى الاوضه التانيه.



* ابوكى.. لما تكونى فى مشكله .. بيسيب كل اللى وراه ويتفرغ لمشكلتك .. وجوزك .. بيحط مشكلتك اخر بند فى اجندة يومه.

* أبوكى .. لما تدلعى عليه .. بيفرح بيكى .. انما جوزك .. بيقولك ..اكيد عايزه حاجه .

* ابوكى.. لما تقولى له .. ده حصل كذا وكذا .. بيهتم ويصدقك .. انما جوزك .. بيقولك .. الموضوع دا وراه ان .. ويشك فى كلامك.

* ابوكى .. لو شافك بتعيطى ها يمسح دمعتك .. انما جوزك .. ها يقولك يادى النكد .

* مع ابوكى .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص ( يا حبيبى يا بابا ) .. لكن جوزك .. ها يقولك شكلك زى عروسة المولد .

* مع ابوكى .. لو طلبتى دوا من الصيدليه . جرى ها ينزل يجيبه .. لكن جوزك ها يسالك بكام.

* مع ابوكى .. نفسك تخرجى مع صحباتك .. ها يقترح عليكوا تروحوا فين.. ويجى يوصلك كمان .. لكن جوزك .. ها يقول مالوش لزوم .. والبيت ماله

* ابوكى .. لو طلب منك كوباية ميه .. بيقولك لو سمحتى عايز ميه .. انما الرخم .. بيقولك قومى هاتى ميه.

* لو ابوكى نايم .. وانتى صاحيه لسه وعامله شوية دوشه .. ما بينطقش .. لكن جوزك .. صوت زعيقه ها يسمع الشرق الاوسط كله

* ابوكى.. فى كل الاحوال بيتناقش معاكى .. جوزك مناقشته معاكى قائمه على انه لازم يطلعك غلطانه حتى لو الموضوع مالوش علاقه بالغلط والصح.

* لو بتتفرجى مع ابوكى على التليفزيون ... ها يسيب لك الحريه تتفرجى على اللى انتى عايزاه .. لكن المحروس .. مافيش قدامك غير يا الاخبار يا الكوره .. يا ميلودى

* ابوكى لو نازل مشوار .. بيعمل ليكى اعتبار ويديكى خبر .. لكن جوزك .. بيختلس عدم وجودك قدامه عشان ينزل من وراكى.

* ابوكى دايما شايفك حلوه .. جوزك مش بيشوفك حلوه الا فى الحالات النادره .. او اذا كنتى صاروخ وهو مضطر يعترف وفى الاغلب مش ها يعترف

* لو محتاجه فلوس فى حاله طارئه .. ابوكى ها يديكى من عينيه .. لكن جوزك .. ها يقولك خدى من ابوكى

* لو جالك مكالمه غلط على موبايلك.. ابوكى ها يقولك حصل خير .. لكن جوزك .. ها يتهمك بالخيانه ...

* لو جبتى كحكه اخر السنه وطلعتى بماده .. ابوكى ها يشجعك ويهدى اعصابك.. لكن جوزك.. ها يقولك .. يا ادى المصاريف اللى مالهاش لازمه

* لو ما فيش فى التلاجه غير ازازة بيبسى واحده .. ابوكى ها يسيبها لك بنفس راضيه .. لكن جوزك ها يقول معلش انا لازم ابلع او ها يقسمها معاكى

* لو غصب عنك صوتك على على ابوكى .. هايلومك بذوق .. لكن جوزك ها يسمعك قاموس شتايم

* لو اتزحلقتى على الارض .. ابوكى ها يجرى يشيلك .. جوزك ها يقعد يضحك ويقولك ما انتى اللى مش منشفه الارض كويس منك لله يا اخى

* لو نفسك تغيرى مكان السجاده .. ابوكى ها يقوللك عنك دى تقيله عليكى.. لكن جوزك ها يقولك مش ضرورى وجع القلب دا

* لو عامله عزومه لاصحابك فى البيت .. ابوكى ها ينزل ويقولك خليكوا براحتكوا .. لكن جوزك ها يشترط مين اللى يجى او ها يرفض من اساسه

* ابوكى.. ممكن يكتبلك حاجه باسمك.. او يحطلك مبلغ فى البنك .. جوزك .. لا لا لا يمكن نفسه تطاوعه على الفعله الشنعاء دى

* لو العربيه عطلت بيكى .. ابوكى.. ها يقولك اقفليها وتعالى وانا ها اتصرف.. جوزك .. ها يقولك متركبيش العربيه تانى

* لو ابوكى شافك بتتخانقى فى الشارع مع واحد .. ها ينزل يقطعه .. لكن جوزك .. ها يقولك انتى قليلة الادب

* لو حكيتى لابوكى على واحد عا*** .. ها يقولك معلش .. وبعدين عنده حق .. انتى جميله انما جوزك .. ها يقولك انتى اللى ماشيه مش محترمه

* لو مقدمه على شغل .. ابوكى.. ها يوصى عليكى طوب الارض .... لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

* ابوكى لو لاحظ انك متخانقه مع اختك .. ها يصالحكوا على بعض .. لكن جوز .. ها يقول خليهم يولعوا دول عيله عجب

* لو عندك مشوار والبيت ما فيهوش غير عربيه واحده.. ابوكى.. ها ينزل يروح مشواره بتاكسى ويسيبلك العربيه .. لكن جوزك.. ها يقولك استنى لما اخلص اللى ورايا وارجع انام وابقى خديها بعدين ( يكون الميعاد طبعا طار )

* مهما ابوكى كان متضايق .. لا يمكن تكلميه وتلاقيه مكشر .. لكن جوزك.. لو متضايق .. مصر كلها هتنكد عليكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmed saker
Admin
avatar

عدد الرسائل : 465
الموقع : alrahma.ahlamuntada.com
علم بلدك :
تاريخ التسجيل : 17/11/2007

مُساهمةموضوع: رد: الفرق بين بباكى وزوجك   الأحد ديسمبر 23, 2007 9:40 pm


_________________





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alrahma.ahlamuntada.com
smsma
مشرف
مشرف
avatar

عدد الرسائل : 77
العمر : 29
تاريخ التسجيل : 21/11/2007

مُساهمةموضوع: رد: الفرق بين بباكى وزوجك   الأحد ديسمبر 23, 2007 9:52 pm

ميرسى على وزقك يااستاذ احمد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
noha
Admin
avatar

عدد الرسائل : 419
علم بلدك :
تاريخ التسجيل : 17/11/2007

مُساهمةموضوع: رد: الفرق بين بباكى وزوجك   الخميس ديسمبر 27, 2007 12:13 am

ليه يا سمسمه تقليب المواجع
شكرا لكى يا قمر

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alrahma.ahlamuntada.com/index.htm
samar
مشرف
مشرف
avatar

عدد الرسائل : 96
علم بلدك :
تاريخ التسجيل : 22/11/2007

مُساهمةموضوع: رد: الفرق بين بباكى وزوجك   الجمعة ديسمبر 28, 2007 2:01 am

ايه الروعه دى بجد روعه يا سمسمه روعه بجد
فعلا صدقتى فى كل كلمه قلتيها
همه الرجاله كده بياكلوا وينكروا زى القطط واصعب من القطط
فيه رجاله بقى تهوى العكننه تحب قوى الشجار بس الست الشاطره هيه الل تدبح لجوزها القطه من اول يوم وتعوده على حاجات ثابته لا يتخطاها انا بقول الست الشاطره وانت عارفه ان اى ست بتضعف من الحنيه ههههههههههه
سمورررررررررررره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور الهدى
مشرف
مشرف
avatar

عدد الرسائل : 151
العمر : 31
علم بلدك :
تاريخ التسجيل : 24/12/2007

مُساهمةموضوع: رد: الفرق بين بباكى وزوجك   الثلاثاء يناير 01, 2008 8:40 pm

موضوع جميل جدا ياسمسمه وتسلم ايديك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الفرق بين بباكى وزوجك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» حلقات بباي سالي تحميل مباااشر :))
» لخولة اطلال ببرقة ثهمد
» ألا أدلكم على شى اذا فعلتموه تحاببتم
» كيف اعتني ببشرتي؟؟؟؟؟؟
» تغذية طوائف نحل العسل ببدائل حبوب اللقاح

صلاحيات هذا المنتدى:لاتستطيع الرد على المواضيع في هذا المنتدى
منتدى الرحمة :: 
الرحمة العام
 :: المنتدي العام
-
انتقل الى: