الرئيسيةالبوابةالتسجيلمكتبة الصوراليوميةبحـثس .و .جالأعضاءالمجموعاتدخول

شاطر | 
 

 عشر طرق علشان تعكنن على مراتك؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahmed saker
Admin
avatar

عدد الرسائل : 465
الموقع : alrahma.ahlamuntada.com
علم بلدك :
تاريخ التسجيل : 17/11/2007

مُساهمةموضوع: عشر طرق علشان تعكنن على مراتك؟؟؟؟   الإثنين ديسمبر 10, 2007 10:59 pm

عشر طرق عشان تعكنن على مراتك

1-

اصحى يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللي عندكم فى المطبخ و 10 كوبيات لاعداد طبق بيض وسندوتش جبنة

طبعا يُراعى ترك آثار سمنة على الارض مع ترك التلاجة مفتوحةوقشر البيض فى الحوض
*****
2-
اذا كنت بتتفرج على التلفزيون وهي عايزة تغيّر القناة .. قولها معلش الحلقة دى مهمة جدا واحد صاحبي شافها على القناةالفضائية وقالي ان الحلقة دي هى المسلسل كله

ولو كنت بتتفرج على ماتش كورةهيبقى الموضوع اسهل .. كل ما حد من اللاعبين من أي فريق يمسك الكورة قالها معلش ثوانى بقى انا حاسس ان الكورة دي جون حتى لو كان حارس المرمى ماسك الكورة والماتش واقف لان فى واحد مصاب

ملاحظة : اغلب النساء ذوو ثقافة كروية ضعيفة
*****
3-
الصبح وانت رايح على شغلك وهى نايمة تعمد اسقاط اى شئ او خبط الباب بصوت عالى علشان تصحيها هى كمان..اشمعنى انت ؟ ولو حاولت ترجع تنام تانى قولها مادام صحيتى حضري الفطار بقى
*****
4-
فى عيد ميلادها زيّن ليها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟! اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة
*****
5-
لو عاملة ريجيم اجري على السوبر ماركت ومحلات الحلويات واملى التلاجة شكولاتة وحلويات وجاتوهات .. يُراعى التجول وانت مستمتع بأكل الجاتوة امامها
****
6-
ماتنساش رأيك فى طبيخها لو عاملة لحمة قولّها حلو اوووى الفراخ دي .. ولو طبخة بامية .. جميلة اوى الملوخية ديياحياتي حطّة عليها ايه ؟؟ ولو عملة كيكة قولّها انا بحب اشرب شاى مع البسكويت الحلو ده
*****
7-
لو طلبتْ منك تنشر الهدوم قولها حاضر مع ابتسامة حنينة وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت مني فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك
*****
8-
لو الزوجة قررت مسح الأرضيات فى البيت حاول انك تروح وتيجي على المناطق المبلولة متحجج بأنك محتاج تتصل ضرورى بواحد صاحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية
*****
9-
لو كانت مشغولة فى نظافة البيت او مع الاولاد وطلبت منك تغسل كوبايتين الشاي بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوباية من الاتنين وهي مكسورةواسألها فى براءة : ارمي دي فين ؟؟
*****
10-
وانت قاعد تتفرج علىالتلفزيون وهيّ طالع عينها فى تنظيف البيت وبعد ما تخلص وتيجي تقعد تستريح جنبك بصلها وقالها حبيبتى معلش ممكن كوبية ميّة علشان ضهري بيوجعني
*****

..بس خــلاص


_________________





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alrahma.ahlamuntada.com
smsma
مشرف
مشرف
avatar

عدد الرسائل : 77
العمر : 30
تاريخ التسجيل : 21/11/2007

مُساهمةموضوع: رد: عشر طرق علشان تعكنن على مراتك؟؟؟؟   الثلاثاء ديسمبر 11, 2007 12:16 am

يااخى حرام عليك اتقى الله انت مفيش فى قلبك رحمة يعنى الست عايزة تعملك كل اللى انت عايزه وانت بردوا مش عايز تريحها
علشان تعرف بس ان الرجالة دول ظلامة ومش بيحبوا غير نفسهم وبس يعنى تقدر تقولى حتسفادوا ايه لما تنكدوا علينا بس حقولك ايه ده مزاج عندكو طبعا النكد ده امال يبقى اسمكوا رجالة ازاى يعنى ماهو اصل الراجل ده مخلوق علشان يخنقنا وبس ويقرفنا ويتجوز علينا ويمنعنا من الخروج والكلام مع حد تانى
حقولك ايه ولا ايه؟؟؟؟ انا لو قعدت اتكلم للصبح مش حخلص بس انا بشككرك جدا على الموضع يازعيم


عدل سابقا من قبل في الثلاثاء ديسمبر 11, 2007 12:33 am عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
noha
Admin
avatar

عدد الرسائل : 419
علم بلدك :
تاريخ التسجيل : 17/11/2007

مُساهمةموضوع: رد: عشر طرق علشان تعكنن على مراتك؟؟؟؟   الثلاثاء ديسمبر 11, 2007 12:22 am

ايه يا ريس انت مخنوق قوى من الستات ليه عشان عاوز تنكد عليهم بس خد بالك من شىء مهم البادى اظلم يعنى اذا بدات لا تلوم غير نفسك


_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alrahma.ahlamuntada.com/index.htm
 
عشر طرق علشان تعكنن على مراتك؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الرحمة :: 
الرحمة العام
 :: المنتدي العام
-
انتقل الى: